IBAI-PAISAIEI BURUZKO UDAKO IKASTAROA

Joan den uztailaren 10ean eta 11n, udako ikasturte honetan, ibaiak erdigunean jarri genituen.
Ibai-paisaiaz aritu ginen, espazio dinamiko bezala, mestizajez, erabilerez eta diziplinez betea, eta horregatik zeharkako ikuspegiak planteatzera behartuak egon ginen. Gizakiak ur-ibilguekin izan duen harreman historikoari buruzko ulermenetik abiatu ginen, ibaiarekiko dugun mendekotasuna, baliabide eta bizi-iturri gisa, eta, ondorioz, hura kontrolatzeko eta manipulatzeko grina historikoa dela eta, forma eta erreforma ugari bizi izan dituela. Urarekin (eta ez uraren kontra) proiektatzea garrantzitsua dela ulertu genuen, eta, jakina, beharrezkoa dela inbaditutako espazioak lagatzea ibai-dinamikekin ELKARREKIN BIZITZEN ikasteko. Munduan zehar dauden ibai-ardatzen hirigintza-garapenen hainbat adibide erakutsi ziren, eta Lurralde Antolamenduak eta Plangintzak udalaz gaindiko lurralde-eraldaketa iraunkorraren eragile gisa ELKARREKIN GOBERNATZEKO duen zeregina azpimarratu zen. Ibai-arroetan nonahi sortu diren ondare-elementuen -materialak eta ez-materialak- balio handia ikusi genuen, izaki bizidun hauek, ibaiek, duten izaera desberdina beren urak gatz-giroarekin nahasten dituzten isurialdearen arabera, jasan dituzten aldaketak eta gaur egun nagusi den errealitate baten ondorioz kudeatu behar diren arriskuak: klima-aldaketa hemen dago, eta gero eta gehiago gara urez betetzeko joera duen espazio bera partekatu behar dugunok.
ELKARREKIN BIZI eta ELKARREKIN GOBERNATU behar dugu. Eskertzen diegu hizlariei eta bertaratutakoei parte hartzeagatik eta egindako ur-tanten batuketagatik, ideien ur-jauzi izugarria osatu ahal izan dugulako. Beste behin ere, ideiak partekatzeko espazio eroso bat sortu da. ESKERRIK ASKO DANOI.

Ezin da erantzun.